Dýshanbede Tý kúnin merekeleý kezinde tártipsizdik jasaǵan jasóspirimder ustaldy

<p>24 qarashada Dýshanbede Memlekettik tý merekesi kezinde qoǵamdyq tártipti buzǵan birneshe jasóspirim ustaldy, dep habarlaıdy Kazinform Tájikstannyń Іshki ister mınıstrligine silteme jasap.</p>

Kóliktiń terezesinen shyǵyp alǵan jastar Dýshanbe kóshelerimen jalaýlaryn jelbiretip, aıqaılap, jol erejesi men qoǵamdyq tártipti óreskel buzǵan. Tájikstan ІІM habarlaýynsha, 11 kólik júrgizýshisi men 13 jasóspirim jaýapqa tartyldy.

Kólik júrgizýshilerine qatysty Tájikstan Respýblıkasynyń Ákimshilik quqyq buzýshylyq týraly kodeksiniń 328-baby boıynsha ákimshilik hattama toltyryldy. Bes jasóspirimge qatysty odan ári shara qoldaný úshin qajetti materıaldar jınaqtaldy.

Sondaı-aq, 8 jasóspirimniń ata-anasyna Tájikstan Respýblıkasynyń ákimshilik quqyq buzýshylyq kodeksiniń 90-baby boıynsha ákimshilik hattama toltyrylyp, tıisti shara qoldaný úshin sotqa jiberildi.

Esterińizge sala keteıik, 24 qarashada Dýshanbede Tájikstan Respýblıkasynyń Memlekettik týy kúnine oraı saltanatty sherý ótip, oǵan 20 myńǵa jýyq adam qatysty.