Dýshanbede tyıym salynǵan oryndarǵa qoqys tastaıtyndar táýlik boıy baqylaýda bolady

<p>ASTANA. KAZINFORM &mdash; Tájikstan Respýblıkasy Úkimeti janyndaǵy Qorshaǵan ortany qorǵaý komıteti Dýshanbedegi 50 núktege beınebaqylaý kameralaryn ornatyp, qoǵamdyq oryndarda qoqys tastaǵandardy táýlik boıy qadaǵalaıtyn bolady, dep jazady <a href="https://khovar.tj/rus/2024/03/za-temi-kto-ne-tam-vybrasyvaet-musor-v-dushanbe-budut-sledit-videokamery/" target="_blank" rel="noopener">Hovar </a>agenttigi.</p>

Dýshanbe qalasynyń qorshaǵan ortany qorǵaý bas basqarmasyna qarasty beınebaqylaý kameralaryn baqylaý ortalyǵy iske qosyldy.

Ortalyqtyń jabdyqtary men kameralary táýlik boıy jumys isteıdi, jazbalar baqylaý úshin málimetter bazasynda saqtalady.

Mundaı ekologııalyq shara tabıǵatty qorǵaý zańnamasynyń buzylýyn, ásirese qaldyqtardy tyıym salynǵan oryndarǵa tastaǵandardy anyqtaýǵa múmkindik beredi.

Tártip buzǵandar ustalyp, olar ákimshilik jaýapkershilikke tartylady.

Bastama 2024 jyly jarııalanǵan «Ekologııalyq bilim berý jyly» aıasynda júzege asyrylmaqshy.