Dýshanbede qazaqstandyq bıznesti tanystyrý saýda-ekonomıkalyq mıssııasy ótedi

ASTANA. QazAqparat - Tamyzdyń 9-12 aralyǵynda Tájikstan astanasy Dýshanbe qalasynda Qazaqstannyń Syrtqy saýda palatasynyń uıymdastyrýymen saýda-ekonomıkalyq mıssııasy bolyp ótpek, dep habarlaıdy Palatanyń baspasóz qyzmeti.

Mıssııa qazaqstandyq óńdelgen ónimder men qyzmetter eksportyn kórshi memleket naryǵynda ilgeriletýge negizdelgen. Biz ónimderimiz ben qyzmetterimizdi tanymal ózge óndirýshilerdiń osy tárizdi taýarlarynan erekshe etýimiz qajet.

Qazaqstannyń Syrtqy saýda palatasy áleýetti eksporttaýshylardy is-sharaǵa qatysýǵa shaqyrady. Mıssııaǵa  qatysatyndaryn qazirdiń ózinde 20 iri taýar óndirýshi rastady. Olardyń ishinde «Amitech Astana», «AQUA ALLIANCE», «IT&M», «Mega SMART», «Nedex Almaty» JShS, «Aqtóberels-arqalyq» jáne «Kentaý transformator» zaýyttary,  «Tsesna-Astyq» kontserni»  JShS jáne taǵy basqalar bar.

Tájik tarapy kólik, ekonomıkalyq damý, qarjy, ónerkásip jáne energetıka mınıstrlikterimen, sondaı-aq jekenmenshik lızıngilik kólik kompanııalarymen, taýarlyq jelilermen jáne basqa da fırmalarmen usynylady.

Aldaǵy ýaqytta Syrtqy saýda palatasy qazaqstandyq bıznes múddelerin syrtqy ekonomıkalyq salada tanystyrý sheńberindegi jumystardy jalǵastyratyn bolady.