«Durys tańdaý - qazaqstandyq taýardy satyp al» atty uranmen ótkizilgen birinshi respýblıkalyq aktsııa tıimdiligin kórsetti
dep habarlaıdy QazAqparat.
Atalmysh shara aǵymdaǵy jyldyń qarasha aıynyń 1-i men 30-y aralyǵynda ótkizilgen bolatyn. Aktsııaǵa «Ramstor», gıpermarketiniń jelisi boıynsha Astana, Almaty, Qaraǵandy, Shymkent qalalaryndaǵy 11 saýda oryndary men Atyraýdaǵy «Ideal» sýpermarketi qatysty. Aktsııa talaptary boıynsha atalmysh saýda oryndary Qazaqstanda shyǵarylatyn taýarlardyń barlyǵyna 15 paıyz jeńildik jasady.
Aktsııanyń jabylý saltanatynda Indýstrııa jáne saýda vıtse-mınıstri Tımýr Jaqsylyqov, «álemdi jaılaǵan qarjylyq-ekonomıkalyq daǵdarys jáne iskerlik belsendiliktiń báseńsýi barysynda qoǵam tarapynan otandyq taýar óndirýshilerdi qoldaý mańyzdy. Bul, ásirese, elimizdiń Dúnıejúzilik saýda uıymyna múshe bolǵaly otyrǵan tusynda erekshe nazarǵa alarlyq másele. Óıtkeni bul shara qazaqstandyq naryqtaǵy taýarlar men qyzmet túrleriniń básekege qabilettiligin arttyrady», dedi.
Onyń málimetterine qaraǵanda, qarashanyń 1-i men 30-y aralyǵynda «Ramstor» jelisindegi taýarlardyń satylý kórsetkishteri aldaǵy jyldyń sáıkes kezeńimen salystyrǵanda 47 paıyzǵa artqan. Saýda oryndaryndaǵy shyryn, sý, sút ónimderi, kúnbaǵys maıy, qaqtalǵan kartop (chıpsy), qaımaq tipti kramıkalyq ydystar men balalarǵa arnalǵan sýsabyndar jáne áınek tazalaǵysh suıyqtyqtardy satyp alý kórsetkishteri 40 paıyzǵa artqan. Al «Ideal» dúkenindegi qazaqstandyq taýarlar 21,5 paıyzǵa ósken. Shara aıasynda 300-den astam taýar túrlerine jeńildik qarastyrylǵan. Sondaı-aq satyp alýshylar arasynda arnaıy oıyndar uıymdastyrylyp, 5 qalada jeńimpaz atanǵan azamattar 100 myń teńge kóleminde aqshalaı syılyqtar aldy.
«Bul bizdiń otandyq taýar óndirýshilerdi qoldaý maqsatynda uıymdastyryp otyrǵan alǵashqy tájirıbelik aktsııamyz. Biz onyń taýar óndirýshiler úshin de, azamattardyń patrıottyq sezimin qalyptastyrýda da qanshalyqty mańyzdy ekendigin kórip otyrmyz. Sondyqtan bul baǵyttaǵy jumystardy biz bolashaqta budan da keń kólemde jáne uzaq merzimge uıymdastyratyn bolamyz», dedi vıtse-mınıstr.