Durys sheshim qabyldańyz: Qaraǵandynyń bas sanıtar dárigeri turǵyndarǵa úndeý joldady

QARAǴANDY. QazAqparat – Qaraǵandy oblysynyń bas sanıtarlyq dárigeri ıÝrıı Zalygın turǵyndardy koronavırýsqa qarsy vaktsınatsııadan ótýge shaqyrdy, dep habarlaıdy QazAqparat tilshisi.

Qazaqstandaǵy koronavırýsqa qarsy kez kelgen vaktsına maquldanǵan, qaýipsiz jáne tıimdi.

«Qoldanylatyn vaktsınalar álemniń kóptegen elderinde qoldanylady, sondyqtan belgili bir preparattyń jetkizilýin kútýdiń qajeti joq. Dál qazir bizde bar vaktsınany saldyrý kerek. Kúndelikti oılanyp-tolǵanǵan saıyn altyn ýaqytyńyzdy joǵaltasyzdar. Ár azamat ózi úshin durys sheshim qabyldaýy kerek. Men densaýlyq jaǵdaıyna baılanysty qarsy kórsetilimi barlardy qospaǵanda, barlyǵyna vaktsına alýdy usynamyn», – dedi ıÝrıı Zalygın tikeleı efırde ótken brıfıngte.

Ol ujymdyq ımmýnıtetti qalyptastyrý úshin halyqtyń keminde 70%-y vaktsınatsııalanýy kerek ekenin eske saldy.

Qaraǵandy oblysynda 27 shildedegi jaǵdaı boıynsha KVI-ǵa qarsy vaktsınanyń birinshi komponentin - 371 515 adam, eki dozany - 238 171 adam aldy.

Belgili bir sala qyzmetkerleri úshin mindetti vaktsınatsııalaý merzimi uzartyldy.

Olar vaktsınanyń birinshi komponentin 10 tamyzǵa deıin, ekinshisin 1 qyrkúıekke deıin alýy kerek.

Medıtsınalyq qarsy kórsetilimi bar nemese sońǵy úsh aı ishinde COVID-19 aýyryp jazylǵan adamdardy egý talap etilmeıdi.

«Epıdemıologııalyq jaǵdaı tek árqaısymyzǵa baılanysty ekenin bárimiz túsinýimiz kerek. Barlyq saqtyq sharalaryn saqtaýdy suraımyn. Eger ózińizdi jaısyz sezinseńiz, jótel, murynnyń bitelýi paıda bolsa, dereý medıtsınalyq kómekke júginińiz, ózińizdi emdeýmen aınalyspańyz», – dedi qaraǵandylyqtarǵa oblystyń bas sanıtar dárigeri.