ASTANA. KAZINFORM — Qytaıdyń Chendý qalasynda ótip jatqan XII Dúnıejúzilik oıyndarynda sporttyq quzǵa órmeleýden jyldamdyq (Speed 4) saıysynda Rıshad Haıbýllın qola aldy.
Sportty damytý dırektsııasynyń habarlaýynsha, Dúnıejúzilik oıyndarynyń baǵdarlamasyna engizilgen sporttyq quzǵa órmeleýden otandastarymyz 2022 jyly Bırmengem (AQSh) jáne 2025 jyly Chendý (Qytaı) ǵana qatysty. Nátıjesinde alǵash ret júldegerler qataryna endi.
Rıshad Haıbýllın qazirge deıin 2022 jylǵy Dúnıejúzilik oıyndarynda jyldamdyq saıysy boıynsha 6-orynǵa turaqtaǵan edi.
Foto: Sportty damytý dırektsııasyEndi erteń Rıshad Haıbýllın, Ámir Maımuratov, Damır Toqtarov, Beknur Altynbekov bastaǵan qazaqstandyq sportshylar komandalyq estafetada synǵa túsedi.
Qazirge deıin Qazaqstan quramasy 2 altyn, 5 kúmis, 3 qola medal aldy.
Dúnıejúzilik oıyndar 17 tamyz kúni máresine jetedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.