Dúnıejúzilik kóshpendiler oıyny: Qazaq kúresinen jarystar bastaldy
Jarystyń alǵashqy kúni, ıaǵnı, búgin 9 qyrkúıekte balýandar 8 salmaq dárejesi boıynsha ózara myqtyny anyqtaıdy.
Atap aıtsaq, erler — 55, 60, 66, 74 kelige deıin bozkilemge shyqsa, áıelder 48, 52, 56 jáne 60 kelide baq synaıdy.
Aıta keteıik, qazaq kúresi — Dúnıejúzilik kóshpendiler oıyndarynda eń kóp qatysýshy tirkelgen sport túrleriniń biri.
Eki kúnge sozylatyn dúbirli dodada 16 salmaq boıynsha 41 elden 274 sportshy synǵa túsip jatyr.
Qazaq kúresinen jarystar Qazaqstan telearnasynda tikeleı efırden kórsetiledi.
Jarys ár kúni Astana ýaqytymen 10:00-de bastalady. Al fınaldyq kezdesýler 16:00-ge josparlanǵan.
Búgin erler arasynda 55 keli salmaqta Bekjan Tólepov, 60 kelide Meıirjan Bereketov, 66 kelide Dıdar Tuqyshev, 74 keli salmaqta Jumajan Qojambekov el namysyn qorǵap jatsa, áıelder arasynda 48 keli salmaqta Aıjan Jylqybaeva, 52 kelide Nazerke Azamatova, 56 kelide Raýza Nurmahammetova, 60 kelide Baqyt Qusaqbaeva baq synap jatyr.