Dúnıejúzilik kóshpendiler oıyndarynda 89 memlekettiń sportshylary baq synaıdy

<p>ASTANA. KAZINFORM &ndash; Bıyl elimizde 8-13 qyrkúıek aralyǵynda 5-shi Dúnıejúzilik kóshpendiler oıyndary ótetini belgili. Dúbirli dodaǵa álemniń 89 elinen 2,5 myńǵa jýyq sportshy qatysady dep josparlanyp otyr.</p>

Oıyndar 21 sport túrinen ótkiziledi. Jartysy ulttyq sport túrleri bolsa, qalǵany - túrkitildes elderdiń ulttyq oıyndary. Bul týraly Ortalyq kommýnıkatsııalar qyzmeti alańynda ótken brıfıngte QR týrızm jáne sport vıtse-mınıstri Serik Jarasbaev aıtty.

«Qala ákimshiligimen kelisip, sportshylarǵa 32 qonaqúı daıyndap otyrmyz. Sporttyq ınfraqurylymdy aıtatyn bolsaq, Astana qalasynda «bir syzyq» kontseptsııasy qoldanylady. ıAǵnı, oıyndar bir kóshede ornalasqan Qabanbaı men Turan kósheleriniń boıyndaǵy sport nysandarynda ótedi. «Astana-arena» stadıonynda jarystyń saltanatty ashylý rásimi josparlanyp otyr», - dedi ol.

Budan bólek, kúres oıyndary J.Úshkempirov atyndaǵy Jekpe-jek saraıynda ótedi. Jeńil atletıka manejinde de tartysty oıyndar uıymdastyrylady dep kútilýde. Al, ulttyq at sporty oıyndary «Qazanat» ıppodromynda ótkiziledi. «Dýman» qonaqúıinde oı qabiletine baılanysty sport túrlerinen jarys uıymdastyrylady. «Alaý» muz aıdynynda da kúres boıynsha saıystardy tamashalaýǵa bolady.

Bul shara tek sport saıystarymen ǵana shektelmeı, onyń aıasynda ǵylymı-tájirıbelik konferentsııa ótkizý josparda bar. Ol «Sport jáne ǵylym», «Tarıh jáne mádenıet», «Kóshpendiler oıyndarynyń taǵamdary» atty baǵyttar boıynsha ótedi.

Aıta keteıik, 2 jyl buryn Dúnıejúzilik kóshpendiler oıyndary Túrkııa eliniń Iznık qalasynda uıymdastyrylǵan bolatyn.

Osyǵan deıin Dúnıejúzilik kóshpendiler oıyndarynyń UNESCO uıymynyń qoldaýymen ótetinin jazdyq.