Dúnıejúzilik kóshpendiler oıyndary qalaı jáne qaıda ótedi

<p>ASTANA. KAZINFORM &ndash; 8-13 qyrkúıek aralyǵynda Astanada etnıkalyq sport túrleri boıynsha halyqaralyq sporttyq jarystar &ndash; V Dúnıejúzilik kóshpendiler oıyndary ótedi. Sporttyq is-sharaǵa 89 elden 2 myńnan astam adam qatysady.&nbsp;</p>

Elorda ákimdigi resmı saıtynyń málimetinshe, oıyndar úsh baǵyt, ıaǵnı sport, mádenıet jáne ǵylym boıynsha ótedi. 

Dúnıejúzilik kóshpendiler oıyndarynyń ınfraqurylymyna elordalyq 6 nysan kirdi: «Astana-Arena» stadıony, «Qazanat» ıppodromy, J. Úshkempirov atyndaǵy Jekpe-jek saraıy, «Alaý» Muz aıdyny saraıy, «Qazaqstan» jeńil atletıkalyq sport kesheni, «Dýman» kesheni.

Foto: Astana ákimdigi

«Qazanat» ıppodromynda jáne Etnoaýyl aýmaǵynda at jarysy, dástúrli sadaq atý jáne qustarmen ań aýlaýdyń ulttyq túrleri boıynsha jarys, sondaı-aq at jarystary ótedi. J. Úshkempirov atyndaǵy Jekpe-jek saraıy men «Alaý» muz aıdyny saraıynda ulttyq kúres, jekpe-jek jáne halyq oıyndary boıynsha jarystar, «Dýman» kesheninde dástúrli zııatkerlik oıyndar ótedi. «Qazaqstan» jeńil atletıkalyq sport kesheninde Akkredıtteý jáne jabdyqtaý ortalyqtary ornalasady. 

Foto: Astana ákimdigi

Oıyndardyń ǵylymı baǵdarlamasynyń is-sharalary QR Ulttyq mýzeıinde ótedi. 

Ońtústik-batys jaǵynan «Qazanat» ıppodromyna irgeles 10 ga aýmaqta ornalasqan «Kóshpendiler álemi» etnoaýyly VIK mádenı baǵdarlamasyn iske asyrý úshin basty alań bolady. Sondaı-aq mádenı baǵdarlama sheńberindegi is-sharalar Astananyń túrli alańdarynda (alańdar, saıabaqtar, skverler, basqa da qoǵamdyq keńistikter, teatrlar, Kontsert zaldary, kınoteatrlar, murajaılar, kórme pavılondary jáne t. b.) ótedi. 

Sporttyq baǵdarlama jarystardy sporttyń 21 túrinen qamtıdy. Onyń ishinde: 

* Asyq atý

* Ordo

* Arqan tartys

* Báıge

* Kókpar

* Aýdaryspaq

* Teńge ilý

* Qazaq kúresi

* Ashyrtmaly aba gúreshı

* Koresh (belbeý tatar kúresi)

* Kókborýý

* Alysh

* Mas-restlıng

* Powerful nomad (alyptar saıysy)

* Toǵyzqumalaq (toǵyzqorǵul)

* Mangala

* Ovarı

* Jamby atý

* Dástúrli sadaq atý

* Qusbegilik

* Qurash (ózbek kúresi)

Oıyndarda 100-ge jýyq medal jıyntyǵy oınatylady.