Dúnıejúzilik bank Qazaqstanda ekonomıkalyq ósýdiń baıaýlap, teńsizdiktiń ulǵaıýyn atady

<p>ASTANA. KAZINFORM &ndash; Joǵary aýdıtorlyq palata 2023 jylǵy respýblıkalyq bıýdjettiń atqarylýy týraly Qazaqstan Respýblıkasy Úkimetiniń esebine qorytyndysyn jarııa etti.</p>

«Dúnıejúzilik banktiń baǵalaýy boıynsha ekonomıkalyq ósýdiń baıaýlap, teńsizdiktiń ulǵaıýy memlekettiń qatysýy basym ekonomıkanyń shıkizat modelin kórsetedi. Osy jaǵdaıdy básekelestikti, adamı kapıtaldy damytý, memlekettik jáne kvazımemlekettik sektorlardyń kórsetkishterin jaqsartý jáne halyqtyń áleýmettik qorǵalýyn nyǵaıtý arqyly basqasha eńserýge bolady. Boljamdy makroekonomıkalyq jáne bıýdjettik parametrlerdi qalyptastyrý kezinde UEM munaıdyń baǵasy bir barrel úshin 85 AQSh dollary deńgeıindegi belgilengen bazalyq stsenarııdi aldy», - delingen qorytyndyda.

Qujatta 2023 jyly naqty baǵa bir barrel úshin 82,6 AQSh dollary deńgeıinde qalyptasqany atalyp ótiledi. Qazaqstannyń memlekettik bıýdjeti kiristeriniń 40 paıyzdan astamy tabıǵı renta esebinen qalyptasady jáne munaı kiristerine táýeldi.

Bıýdjettiń munaı kiristerine táýeldiliginiń kúsheıýi bıýdjet júıesiniń turaqtylyǵyn uzaq merzimdi kezeńde qamtamasyz etý máselesiniń ózektiligin týdyrady. Sonymen qatar, 2050 jylǵa deıin 137 eldiń basym bóligi kómirtegi beıtaraptyǵyna qol jetkizýdi maqsat etedi. Qazaqstan, basqa da birqatar el sııaqty (Avstralııa, Sıngapýr, Ýkraına, Qytaı) kózdelgen mejege 2060 jylǵa qaraı jetýdi josparlap otyr.