Dúnıejúzilik sot tóreligi jobasy 2019 jyldyń qorytyndysyn jarııalady

NUR-SULTAN. QazAqparat - 11 naýryzda «Dúnıejúzilik sot tóreligi jobasy» (World Justice Project, WJP) halyqaralyq uıymy «Zań ústemdigi ındeksi 2020» (Rule of Law Index) jobasynyń jyl saıynǵy zertteýleriniń nátıjeleri boıynsha 2019 jylǵy qorytyndylarynjarııalady, dep habarlaıdy QazAqparat.

Indeks – zertteýdi qamtıtyn 128 eldegi quqyq ústemdiginiń deńgeıi týraly málimetterdiń álemdegi jetekshi táýelsiz derekkózi.

Nátıjeler halyq pen sarapshylar arasynda saýalnama júrgizý (kommertsııalyq quqyq, azamattyq jáne qylmystyq sot tóreligi, eńbek zańnamasy salasyndaǵy mamandar) negizinde qalyptasady.

Saýalnamaǵa qatysýshylar zańnyń ústemdigin qamtamasyz etý boıynsha memleket qabyldaǵan sharalardyń tıimdiligin 8 baǵyt boıynsha, atap aıtqanda, memlekettik ókilettikke qatysty shekteý, jemqorlyqtyq bolmaýy, ashyq úkimet, negizgi quqyqtar, quqyqtyq tártip jáne qaýipsizdik, retteýshi quqyq qoldaný, azamattyq jáne qylmystyq sot tóreligi boıynsha baǵalaıdy.

Eldiń joǵaryda atalǵan komponentteriniń árqaısysy boıynsha 0-den bastap 1-ge deıingi mejede saralanady, 1 – zań ústemdigin qamtamasyz etýdiń eń joǵary deńgeıine sáıkes kelse, al 0 – onyń múldem joq ekenin kórsetedi.

Qazaqstan «Jemqorlyqtyń bolmaýy» komponenti boıynsha 0,49 ball jınap, bul zertteýge qatysqan kezeńdegi eń joǵary nátıjege qol jetkizdi.

2011-2012 jj. nátıjeler «2012-2013 zań ústemdiginiń ındeksi» esebinde, 2016-2017 jj. aralyǵyndaǵy nátıjeler «2017-2018 zań ústemdiginiń ındeksi» esebinde kórsetilgen.

Bulzertteýge qatysqan 128 eldiń ishinde 57 oryn ıelenip, aldyńǵy kezeńmen salystyrǵanda 4 orynǵa kóterilýge múmkindik berdi (126 eldiń ishinde 61 oryn).

Shyǵys Eýropa men Ortalyq Azııa aımaǵynyń 14 eli arasynda elimiz Grýzııa men Belarýstan keıin úshinshi orynda tur.

Elderdiń keskini men ádistemesimen qosa tolyq esep myna silteme boıynsha qoljetimdi: