Dúnıejúzilik kóshpendiler oıyny: Qazaqstan Túrkııaǵa kókpar attaryn aparmaıdy

ASTANA. QazAqparat – IV Dúnıejúzilik kóshpendiler oıyndaryna qatysatyn qazaqstandyq qurama komanda Túrkııaǵa jarys attaryn aparmaıdy. Tıisinshe kókpar jáne Qyrǵyzdyń ulttyq oıyny «Kók bóri» sportyna qajetti jylqylardy uıymdastyrýshy el tarapynan jaldaý josparlanyp otyr, dep habarlaıdy QazAqparat tilshisi.

«Ózderińiz bilesizder, jylqyny shetelge shyǵarý úshin birneshe talap bar. Biz jarty jyl buryn Qyrǵyzstanmen birlesip jumys istedik. ıAǵnı, attardy arnaıy ushaqpen alyp bardyq. Qazirgi kezde Qyrǵyz memleketimen istegen jumysymyz bolmaı jatyr. Olar da attaryn alyp barmaıdy. Biz negizi birlesip aparýymyz kerek bolatyn. Talaptar oryndalmady, ushaqpen aparý máselesi kelisilmeı qaldy», - dep jetkizdi Sport jáne dene shynyqtyrý komıtetiniń tóraǵasy Samat Erǵalıev.

Al Ulttyq jáne at sporty túrleri ortalyǵynyń dırektory Baqdáýlet Sábıtov saıystarǵa qatysatyn attardy Túrkııa tarapynan jalǵa alatynyn málimdedi.

«Attardy biz Túrkııa memleketinen jalǵa alyp otyrmyz. Túrkııanyń bizdiń kókparǵa uqsaıtyn «Jırıt» degen sport túri bar. Sonymen aınalysyp júrgen attar bizdiń kókparǵa keletin bolǵandyqtan, biz solarmen resmı kelisimshartqa otyryp, attaryn alamyz. Olar bizge jalǵa beredi, biz aqshasyn tóleımiz. Qazirgi tańda 1 jylqyny kúnine 300 dollarǵa jaldaımyz dep kelisip otyrmyz. Biraq ol jylqynyń deńgeıine de baılanysty bolady», - dedi Baqdáýlet Sábıtov.

Aıta ketsek, 29 qyrkúıek pen 4 qazan aralyǵynda Túrkııanyń Iznık qalasynda IV Dúnıejúzilik kóshpendiler oıyndary ótedi. Onda qazaq kúresinen tuńǵysh ret Qazaqstan áıelder quramasy saıysqa túsedi .