Dúnıejúzilik densaýlyq uıymy: Koronavırýstyń úndi nusqasy jyldam taralady

JENEVA. QazAqparat – «Úndistanda anyqtalǵan COVID-19-dyń jańa nusqasy Delta vırýstyń álem boıynsha tez taralyp, vırýstyń basym nusqasyna aınalýda. Bul týraly Dúnıejúzilik densaýlyq saqtaý uıymynyń aǵa ǵylymı qyzmetkeri Sýmıa Svamınatan aıtty, dep habarlaıdy QazAqparat cnbc saıtyna silteme jasap

«Bul nusqa basqalaryna qaraǵanda tez juǵady, sol sebepti tez taralyp otyr», dep málim etti Sýmıa Svamınatan DDSU-nyń Jenevadaǵy shtab-páterinde ótken baspasóz máslıhatynda.

Zertteýler Delta nusqasynyń Ulybrıtanııada anyqtalǵan Alfa nusqasyna qaraǵanda 60%-ǵa juqpaly ekenin kórsetti. Al ol 2019 jyldyń aıaǵynda qytaılyq Ýhanda paıda bolǵan birinshi shtamǵa qaraǵanda juqpalyraq bolǵan, dep habaralaıdy QazAqparat CNBC-ge https://www.cnbc.com/2021/06/18/who-says-delta-is-becoming-the-dominant-covid-variant-globally.html silteme jasap.

Sársenbi kúni DDSU COVID-19-dyń koronavırýs ınfektsııasynyń bul nusqasy álemniń 80-nen astam eline tarap, mýtatsııalanyp otyrǵanyn habarlady. Aýrýlardy aldyn alý jáne baqylaý ortalyǵynyń dereginshe, ol qazirgi kezde AQSh-ta anyqtalyp jatqan juqtyrý oqıǵalarynyń 10%-yn quraıdy, ótken aptada bul kórsetkish 6% bolǵan.

Sýmıa Svamınatannyń aıtýynsha, ǵalymdarǵa vırýstyń bul nusqasy týraly, sonymen qatar oǵan vaktsınalardyń áser etýi týraly kóbirek derek qajet.

CureVac nemis kompanııasy apta basynda óziniń koronavırýsqa qarsy vaktsınasyn klınakalyq synaqtan ótkizgen. 40 000 adam qatysqan synaq nátıjesinde vaktsına 47% ǵana tıimdilik kórsetti. Onyń sebebin kompanııa jańa shtamdardyń paıda bolýy dep sanaıdy.

Anglııanyń Qoǵamdyq densaýlyq saqtaý qyzmeti dúısenbi kúni jarııalaǵan taldaý nátıjelerine sáıkes, Pfizer-BioNTech nemese AstraZeneca vaktsınalarynyń eki dozasy Delta shtamyna qarsy joǵary tıimdiligin kórsetken.

Eske salsaq, elordada koronavırýstyń úndi shtamy anyqtaldy jáne Almatyda koronavırýstyń úndi shtamyn juqtyrǵandar sany kúrt ósti.