Dúnıejúzilik boks keńesi GGG-diń mindetti qarsylasyn bekitti

ASTANA.QazAqparat - Dúnıejúzilik boks keńesi (WBC) Ýkraına astanasy Kıev qalasynda ótip jatqan 56-kezekti konventsııasynda, qazaqstandyq boksshy Gennadıı Golovkınniń (38-1-1,34KO) mindetti qarsylasyn jarııalady, dep habarlaıdy QazAqparat Boxingscene saıtyna silteme jasap.

Boxingscene-tyń habarlaýynsha, Dúnıejúzilik boks keńesi orta salmaqtaǵy WBC jáne WBA tujyrymy boıynsha álem chempıony Saýl Alvareske (50-1-2,34KO) kelesi jekpe-jekte chempıondyq ataǵyn erkin qorǵaýyna ruqsat berdi.

WBC-dyń sheshimine sáıkes, orta salmaqtaǵy WBC beldiginiń mindetti úmitkeri Jermall Charlomen (27-0, 21 KO) otandasymyz Gennadıı Golovkın judyryqtasady. Osy kezdesýdiń jeńimpazy Kanelodaǵy WBC belbeýi úshin talasýǵa múmkindik alady.

Alvarestiń Promoýtery Oskar De la Hoııanyń aıtýynsha, meksıkalyq boksshy kelesi jekpe-jegin ústimizdegi jyly jeltoqsan aıynyń 15 kúni ótkizedi.

Qazir onyń qarsylasy GGG-den jeńilgen kanadalyq Davıd Leme (40-4-0, 34 KO) bolýy múmkin.