Dúnıejúzilik banktiń ekonomısi: Krıptovalıýtaǵa qatysty kúmán de, senim de bar

ASTANA. QazAqparat - Dúnıejúzilik banktiń Aımaqtyq basqarmasynyń Eýropa men Ortalyq Azııa (EOA) boıynsha bas ekonomısi Hans Tımmer krıptovalıýtalarǵa makroekonomıka salasyndaǵy mamandar qalaı qaraıtynyn aıtty, dep habarlaıdy QazAqparat tilshisi.

«Krıptovalıýtaǵa baılanysty mende kúmán de, senim de bar. Sebebi, ekonomıkalyq kalkýlıatsııalarmen burynnan jumys istep kelemin. Biz krıptovalıýtalar pen blokcheın qaǵıdaty qanshalyqty tıimdi ekenin baıqaý úshin aıtarlyqtaı saraptama júrgizdik. Bul komponentter - tsıfrlyq tóńkeristiń bir ǵana bóligi», - deıdi ol.

Hans Tımmer qazirgi ýaqytta krıptovalıýtalarǵa aıtarlyqtaı kúmánmen qaraıtynyn jasyrmady.

«Biraq, eń aldymen kúmán - tsıfrlyq evolıýtsııanyń damý qarqynyna baılanysty bolyp otyr. 2009 jyly blokcheın óziniń jumysyn bastady da, onymen tuspa-tus alǵashqy krıptovalıýta paıda boldy. 2009 jyly sonymen qatar alǵashqy aıfon ómirge keldi. Osylaısha, ınternet-qyzmetterdiń aýqymy keńeıip ketti. Densaýlyq saqtaýdan bastap kóptegen salalarda ınternet qyzmet damyp ketti. Ekinshi jaǵynan, bul qalyptasyp qalǵan standarttardy ózgertti», - deıdi ol.

Dúnıejúzilik bank ókiliniń sózine sensek, álemdik ekonomıkanyń aldynda múlde bólek mindetter tur.

«Damýdyń eki túri  - durys jáne burys baǵyttaǵy joly bar. Durys jaǵy týraly sóz qozǵaǵanda, onda krıptovalıýtalar arqyly Úkimettiń esebin kórýde basymdyq beretinin umytpaýymyz kerek. Ekinshi jaǵynan azamattyq qoǵamdastyqtardyń yqpaly arta túsedi. Sonymen birge, ekinshi, ıaǵnı burys jaǵyn alsaq: bunyń arty - iri kompanııalar aýqymdy konglamerattarǵa birigip alyp, máselen Feısbýk krıptovalıýtalyq kompanııalarmen birigip aldy desek, onda osy iri oıynshylar Úkimetti ózinshe baqylaýǵa alǵysy kelýi múmkin. Osylaısha, biz bárimiz kóptegen aqparattar eksklıýzıvti oıynshylardyń ǵana qolynda qalatyndaı jaǵdaıda qalýymyz múmkin. Bul oıynshylar ádeıi úkimetterge qatysty aıla-sharǵylardy júzege asyryp otyrýy yqtımal. Meniń oıymsha, júıelerge bulaı aralasýdyń qaýiptiligi de bar sekildi», - deıdi ol.

Dese de, krıptovalıýtalarǵa kelgende Hans Tımmer kúdikpen birge, úmiti de baryn atap ótti.

«Sondyqtan, áleýetti qaýipterdi aınalyp ótetindeı evolıýtsııaǵa jol berilýi kerek. Men krıptovalıýtadan túńilgen adam retinde kóringim kelmeıdi. Biraq, sonymen birge naryqtyń qalyptasýynyń óz erejeleri bar. Biz eń aldymen, tsıfrlandyrýdyń ózine aýqymdy ınvestıtsııa kerektigin eskerýimiz kerek», - deıdi ekonomıst.