Dúnıejúzilik bank Qazaqstanmen yntymaqtastyǵyn jalǵastyra bermek

ASTANA. QazAqparat - Astanada Ulttyq ekonomıka mınıstri Tımýr Súleımenov pen Dúnıejúzilik banktiń vıtse-prezıdenti Sırıl Mıýller yntymaqtastyq týraly Negizdemelik kelisimge ózgeris engizý týraly hattamaǵa qol qoıdy, dep habarlaıdy QazAqparat tilshisi.

«Bul qadam bizge Dúnıejúzilik banktiń zor tájirıbesin, saraptamasy men halyqaralyq baılanysyn paıdalanýǵa jol ashady. Birinshiden, ózimizdiń ekonomıkalyq saıasatymyzǵa qoldaýyn úshin belgili bir sheshimdi daıyndaýǵa kómektesse, ekinshiden qarjylandyrýǵa qol jetkizýge septigin tıgizedi», - dedi Tımýr Súleımenov qujatqa qol qoıa otyryp.

Ol óz sózinde atalǵan kelisim bizdiń elimizdiń qarjylyq salasyna asa paıdaly ekenin tilge tıek etti.

«Ózderińiz biletindeı, Dúnıejúzilik banktiń tobyna dál osy qarjy sektorynyń ınvestıtsııasymen aınalysatyn halyqaralyq qarjy korporatsııalary enedi. Mine, sondyqtan bul negizdemelik kelisim bizdiń mınıstrliktiń, Úkimettiń jáne jalpy el úshin praktıkalyq mańyzy óte joǵary», - dep túsindirdi mınıstr.

Atalǵan kelisimniń ózine Memleket basshysynyń bastamasymen 2014 jyly qol qoıylǵan bolatyn. Negizgi kelisimge sáıkes, yntymaqtastyqtyń arqasynda Qazaqstanda qazirgi tańda ShOB, ónimdi ınnovatsııalardy jigerlendirý, adamı kapıtaldy jetildirý, qorshaǵan ortany qorǵaý, sonymen birge avtokólik joldaryn kúrdeli jóndeý baǵytynda jobalar júzege asyrylýda.

Bıyl Dúnıejúzilik bank yntymaqtastyq baǵyttaryn keńeıtýdi usynǵan edi.