Dúnıejúzilik bank Qazaqstanǵa mal sharýashylyǵyn damytýǵa $500 mln berýge sheshim qabyldady

NUR-SULTAN. QazAqparat - Dúnıejúzilik banktiń Dırektorlar keńesi Vashıngtonda (AQSh) Qazaqstan úshin daıyndalǵan «Mal sharýashylyǵyn turaqty damytý» jobasyn qarjylandyrý týraly sheshim qabyldady, dep habarlaıdy QazAqparat QR Aýyl sharýashylyǵy mınıstrliginiń baspasóz qyzmetine silteme jasap.

Kelesi qadam - ​​tıisti nesıe kelisimine qol qoıý. Boljam boıynsha ol aǵymdaǵy jyldyń kúzinde ótedi.

Joba sharty boıynsha respýblıkaǵa mal sharýashylyǵyn jan-jaqty damytýǵa 500 mıllıon AQSh dollary bólinedi. Bank ázirlegen jospar 5 jyl ishinde - 2021 jyldan 2025 jylǵa deıin júzege asyrylýy kerek. Osy kezeńde Qazaqstan qorshaǵan ortaǵa teris áserin tıgizbesten, mal etin óndirýdiń eksportqa baǵyttalǵan sektoryn damytýǵa jáne kóbeıtýge mindetti.

Jobany iske asyrýda Qazaqstan úshin múldem jańa qarjy quraly - nátıjege baǵyttalǵan baǵdarlama (NBB) nesıesi qoldanylady. Bul mehanızm qaryz alýshyǵa qarajat kelisilgen nátıjege jetken kezde ǵana tólenetin bolady.

Jobanyń negizgi nátıjesi veterınarlyq qyzmetter men janýarlardy tirkeýdi jaqsartý jáne et salasy úshin tıimdi agroekologııalyq saıasat ornatý.

Sondaı-aq, eksport pen básekege qabilettiliktiń turaqty ósýi úshin baqylaý júıesi jasalady, veterınarııa qyzmeti jańǵyrtylyp, sıyr etin ósirýmen aınalysatyn fermerlerdiń biliktiligin arttyrý júıesi qurylady.

Sonymen qatar, jumys oryndaryn qurý jáne aýyl turǵyndarynyń kiristerin arttyrý maqsaty kózdelip otyr. Bordaqylaý alańdarymen birlesip jumys jasaıtyn 20 myńnan astam otbasylyq fermalardy qurýdy qoldaý josparda bar.