Dúnıejúzilik bank Qazaqstan reformalaryn joǵary baǵalady

ASTANA. qazAqparat - Búgin OKQ alańynda Dúnıejúzilik banktiń Eýropa jáne Ortalyq Azııa aımaǵy boıynsha bas ekonomısi Hans Tımmer Dúnıejúzilik banktiń «Shıkizattyń tómen baǵalary men álsiz valıýtalar» atty jańa baıandamasyn oqyp shyqty.

Dúnıejúzilik banktiń Eýropa jáne Ortalyq Azııa aımaǵy boıynsha bas ekonomısi álemdik turaqsyzdyq jaǵdaıynda Qazaqstannyń qoldanyp otyrǵan sharalary jóninde sóz qozǵady.

«Ósimniń baıaýlap, syrtqy ortanyń nasharlaýy básekege qabilettilikti arttyrý úshin Qazaqstannyń makroekonomıkalyq saıasatynyń turaqtylyǵyn nyǵaıtý jáne qurylymdyq reformany júzege asyrýdy jalǵastyrý qajettiligin kórsetip otyr», - dep málimdedi H.Tımmer.

Hans Tımmer ınvestıtsııalardyń geografııalyq baǵyttalýyn «Nurly jol» baǵdarlamasy qoldap otyrǵany, al bul kedeılik deńgeıiniń qysqaryp, jalpyǵa ortaq gúldenýge aıtarlyqtaı septigin tıgizip otyrǵanyn atap ótti.

«Budan basqa, spıker qazirgi kezde iske asyrylyp otyrǵan «100 naqty qadam» Ult josparyna baǵa berdi. «Biz «100 naqty qadam» Strategııasyna oń baǵamyzdy berip otyrmyz. Bul bes baǵytty qoldaý - memlekettik qyzmet sapasyn jaqsartý, memlekettik qyzmetterdiń ashyqtyǵy, sondaı-aq bıznes-klımatty qurý. Bul atalǵan jaǵdaıda ómirlik mańyzy bar aspektiler», - dedi ol.

Tanystyrylym sońynda H. Tımmer Ult josparynyń tabysqa jetý múmkindigi óte joǵary ekenin qosyp aıtty.