Dúnıejúzi qazaqtarynyń qaýymdastyǵy Elbasynyń QR Prezıdent saılaýyna qatysýyn qoldaýǵa baılanysty Úndeý qabyldady
«Búgingi tańda alys jáne jaqyn shetelderde 5 mıllıonǵa jýyq qazaq dıasporasynyń ókilderi turady. Bul aǵaıyndarymyz qaı jerde, qaı elde tursa da qazaq halqynyń quramdas bir bóligi. Sheteldegi aǵaıyndar úshin Qazaqstandaǵy bıylǵy kezekten tys Prezıdent saılaýy - asa mańyzdy oqıǵalardyń biri. ıAǵnı, aldaǵy ýaqytta Qazaq eliniń tizginin kim ustaıdy, Memleket basshysy bolyp kim saılanady degen másele olardy da erekshe oılandyrady ári alańdatady. Óıtkeni, Tarıhı Otanynyń Táýelsizdigi, baq-berekesi, ıgi jeńisteri - dúnıejúziniń túkpir-túkpirindegi búkil qandastarymyz úshin bárinen de qymbat. Dúbiri mol dúnıe dál qazir dúrbeleń shaqty bastan ótkizýde. Kóńilge alań salarlyq jaıttar búgingi kúni tym kóbeıip barady. Álemdik ekonomıkalyq qurylymdy árkim óz múddesine saı qaıta qurýǵa umtylýshylyq ta baıqalýda. Bul rette álemniń alpaýyt elderiniń nazary shıkizat kózderine baı Qazaqstan tárizdi elderge eń aldymen túsip otyrǵandyǵy da jasyryn emes», - delingen Úndeýe.
Osyǵan baılanysty atalmysh qujatta tarıhı Otanyna shetelden oralǵan qazaqtardyń Astanada ótken «Nur-Otan» partııasynyń kezekten tys HVI seziniń jumysy men qabyldaǵan sheshimine úlken qyzyǵýshylyqpen qarap, qoldaý bildirgeni aıtylǵan.
«Bárimiz qazirgideı dúrbeleń shaqta tájirıbeli de bilikti, talaı synaqty bastan ótkizgen N. Á. Nazarbaevtyń kandıdatýrasyn sezd delegattary biraýyzdan QR Prezıdenttigine usynǵandyǵyn qýanyshpen qarsy aldyq. Elbasy táýelsizdik alǵannan bergi kezeńde ótkizilgen Álem qazaqtarynyń tórt quryltaıynda da Dúnıejúzi qazaqtary qaýymdastyǵynyń Tóralqa Tóraǵasy retinde dúnıeniń túkpir-túkpirinen jınalǵan aǵaıyndarǵa Qazaq elin damytý jóninde júzege asqan jaqsy isterdi, qolǵa alynýǵa tıis bıik maqsat-mindetterdi jan-jaqty taldap ortaǵa salǵan edi. Soǵan oraı, alys-jaqyndaǵy aǵaıyndar Nursultan Nazarbaevty Qazaqstan Respýblıkasynyń Prezıdenti ǵana emes, jer júzindegi búkil qazaqtyń kóshbasshysy retinde baǵalap, qadir tutady» - delingen Úndeýde.
Osylaısha, Aqsaqaldar keńesi barsha jurtshylyqty aıtylǵan jáıtterdi eskere otyryp, aldaǵy saılaýǵa asa jaýapkershilikpen kelýge shaqyrdy.
«Qazir kezekten tys Prezıdent saılaýyna birneshe adam tirkelip te qoıdy. Olardyń ishinde árıne elge belgili tulǵalar da bar. Negizi saılaýǵa bir emes, birneshe adamnyń qatysqany óte durys. Óıtkeni, bul demokratııanyń belgisi. Jalpy, kimdi saılaý kerektigin kózi qaraqty halqymyz ózi sheshedi. Al endi bizdiń syrtta júrgen qandastarymyz Elbasynyń saılaýǵa túsetinin qoldap, óz pikirlerin joldap jatyr» - dedi óz sózinde Dúnıejúzi qazaqtary qaýymdastyǵy Tóralqa tóraǵasynyń birinshi orynbasary Talǵat Mamashev.
Ol shet elderdegi birqatar qazaq qaýymdastyqtary atynan kelgen hattardy oqyp berdi.
Sonymen qatar, búgingi bas qosýǵa jınalǵan Aqsaqaldar keńesiniń onnan astam múshesi kezegimen sóz sóılep, Elblasy N. Nazarbaevtyń saılaýǵa túsetindigine biraýyzdan qoldaý bildirdi.