Dúnıejúzi boıynsha Instagram men WhatsApp messendjerinde aqaý paıda boldy

NUR-SULTAN. QazAqparat – Dúnıejúzi boıynsha Facebook, Instagram jáne WhatsApp messendjerinde aqaý paıda boldy, dep habarlaıdy QazAqparat Downdetector servısine silteme jasap.

Kóptegen eldegi paıdalanýshylar osy másele boıynsha shaǵymdandy. Qazaqstanda WhatsApp messendjeri jumys istemeı tur.

Al álemdegi paıdalanýshylar Facebook-ke kire almaǵynyn, oǵan qatysty servıster qoljetimsiz ekenin aıtyp shaǵymdandy.

Downdetector servısiniń málimetinshe:

Facebook: 88% qoldanýshynyń aıtýynsha saıtta aqaý bar, 11%-y servıske kire almaǵan.

Instagram: 54% qoldanýshyda júktelmegen, 31%-da avtorlaný problemasy, 14% veb-nusqasyna qosyla almaǵan.

WhatsApp: 54% serverge qosyla almaǵan, keıbireýleri messendjerdiń veb nusqasyna qosyla almaǵan nemese avtorlaný problemasy.