«Dúnıe dıdaryndaǵy Dımash»: Ánshiniń týǵan jerindegi kórme qańtarda da jalǵasady

<p>AQTÓBE. KAZINFORM &ndash; Ánshiniń &laquo;Dúnıe dıdaryndaǵy Dımash&raquo; atty kórmesi qańtardyń 15-ine deıin jalǵasady. Búginge deıin kórmeni 4 myńnan astam adam kelip, tamashalady.</p>

Aqtóbe oblystyq tarıhı-ólketaný mýzeıi «Dúnıe dıdaryndaǵy Dımash» atty kórmeniń áli de sozylatynyn habarlady. 

- Óńirge kelgen sheteldikter mýzeıdegi jádigerlermen tanyssa mindetti túrde Dımash Qudaıbergenniń de kórmesin tamashalaıdy. Sonymen birge taıaýda Reseıden tyńdarmany arnaıy kelip, ánshiniń ózi tutynǵan, syıǵa berilgen zattaryn qarady. Ol 2019 jyly Astanada ótken kontsertke barǵan eken. Ózi Novotroıtskte turady. Shekara jaqyn bolǵan soń kelip, ózi bergen syılyqty eksponattar ishinen kórdi. Bul da qurmet, - dedi Aqtóbe oblystyq tarıhı-ólketaný mýzeıiniń ǵylymı qyzmetkeri Nursáýle Sansyzbaı.

Aıta keteıik, «Dúnıe dıdaryndaǵy Dımash» atty kórmesi 24 qazan kúni ashyldy. Munda ánshi Dımash Qudaıbergenniń bala kúninde jatqan besigi, otbasynyń fotoalbomy men marapattaryn, ózge de eksponattardy tamashalaýǵa bolady.