Dýlat Isabekov Abaı keshi jóninde: Júrekke úlken uıa salǵandaı boldy
«Búgingideı keshte men birinshi ret otyrmyn. Óıtkeni, bundaı bir rýhanı lázzat alý, sahnaǵa súısinip qarap otyrý, ondaǵy dekoratsııa jáne ánshilerimiz, Abaı óleńderi – júrekke úlken uıa salǵandaı boldy. Osyndaı kontsertter, osyndaı bas qosar ýaqyt qashan bolady eken dep júr edim. Bul–tereń oıǵa jeteleıtin kesh boldy. Abaıdyń oı muhıtyna shomylyp shyqqandaı boldym», — deıdi Dýlat Isabekov.
Aıta ketý kerek, kesh barysynda kórermenderdiń ózderi, eresekter men balalar da uly aqynnyń óleńderin oqýǵa belsendi qatysty.
«Óte ǵajaıyp. Abaıdyń búkil júregin el-halqyna jetkizgen úlken kesh boldy. Erekshe kúıge bólendik. Adamnyń júregin tebirenterlik, tolǵandyrarlyq kesh boldy», – deıdi keshke kelgen qala turǵyny.
Buǵan deıin habarlaǵanymyzdaı, Almatydaǵy Respýblıka saraıynda Abaıdyń 175 jyldyǵyna arnalǵan poezııa jáne mýzyka keshi ótti. Oǵan qala ákimi Baqytjan Saǵyntaev, zııaly qaýym ókilderi, mádenıet qaıratkerleri qatysty.