Dýlat Bekbaýov tájikstandyq boksshyny jeńip, fınalǵa shyqty

<p>ASTANA. KAZINFORM - Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda qazaqstandyq Dýlat Bekbaýov jartylaı fınalda súrinbedi.</p>

Álem jáne Azııa chempıonatynyń kúmis júldegeri D.Bekbaýov 67 kelige deıingi salmaqta tájikstandyq Shýkrat Salomatovtyń mysyn basty.

Úsh raýnd shıraq qımyldaǵan Dýlat qarsylasynyń aldyn orap ketip otyrdy. Birinshi raýndta 5:0, ekinshi jáne úshinshi kezeńde 4:1 esebi tirkelgenimen, jekpe-jek qorytyndysynda tóreshiler jeńisti túgeldeı Dýlatqa berdi.

Osylaısha, Dýlat Bekbaýov Qazaqstan erler quramasynan tórtinshi bolyp fınalǵa shyqty.

Eske sala keteıik, budan buryn Orazbek Asylqulovtyń fınalǵa ótkenin jazǵan bolatynbyz.