Dýlat Bekbaýov Azııa chempıonatynyń eki dúrkin kúmis júldegeri boldy

<p>ASTANA. KAZINFORM &ndash; Taılandtyń Chıangmaı qalasynda bokstan ótip jatqan Azııa chempıonatynda Dýlat Bekbaýov kúmis medalǵa ıe boldy.&nbsp;</p>

Buǵan deıin álem jáne Azııa birinshiliginiń kúmis júldegeri atanyp úlgergen D.Bekbaýov 67 kelige deıingi salmaqta ózbekstandyq Mýjıbıllo Týrsýnovpen sheberlik baıqasty.

Asa qyzý ótken jekpe-jek barysynda birinshi raýndta tóreshiler basymdyqty M.Týrsýnovqa berdi – 3:2. Ekinshi kezeńde dál osyndaı eseppen Dýlat alǵa shyqty. 

Úsh raýndtan soń beınejazbany qaıtalap kórgen tóreshiler jeńisti ózbekstandyq boksshyǵa berip jiberdi. Osylaısha, Qazaqstan qorjynyna ázirge 1 altyn, 3 kúmis tústi.

Eske sala keteıik, budan buryn Sanjar Táshkenbaıdyń bokstan Azııa chempıonatynyń kúmis júldegeri atanǵanyn jazǵan edik. Sondaı-aq Mahmud Sabyrhan alǵash ret bokstan Azııa chempıonatynda top jardy. Orazbek Asylqulov bokstan Azııa chempıonatynda kúmis aldy.