Dúkende chek bermese arnaıy organdarǵa habarlap, syıaqy alýǵa bolady

NUR-SULTAN. QazAqparat -QR Qarjy mınıstrliginiń Memlekettik kirister komıteti baqylaý-kassalyq mashına fıskaldyq chegin bermeý faktilerin anyqtaýǵa arnalǵan «Qoǵamdyq baqylaý – túbirtekti talap et» aktsııasyn búginnen qaıta bastady, dep habarlaıdy QazAqparat tilshisi.

Atalǵan vedomstvo baspasóz qyzmetiniń málimetinshe, «Qoǵamdyq baqylaý – túbirtekti talap et» aktsııasyna kez-kelgen úmitker qatysa alady. Barlyq joldanǵan ótinishter memlekettik kirister organdarynda qaralady. App Store nemese Play market-ten «Wipon» mobıldi qosymshasyn tegin júktep alyp, fıskaldy chekti bermeý buzýshylyq faktileri týraly habarlaýǵa bolady. Fıskaldy chekti bermeý faktisi rastalǵan jaǵdaıda, telefonnyń teńgerimine (1000 teńge) syıaqy beriledi.

2019 jyly azamattardyń habarlaýy boıynsha aktsııa júrgizý barysynda 940 derek rastaldy, olarǵa 940 myń teńge somasynda syıaqy tólendi.

Memlekettik kirister komıteti Qazaqstan Respýblıkasynyń barlyq azamattaryn ózderiniń azamattyq ustanymyn, zań buzýshylyqqa tózbeýge jáne «Qoǵamdyq baqylaý – túbirtekti talap et» aktsııasyna belsendi túrde qatysýǵa shaqyrady.