Dýbaıǵa baǵyt alǵan ushaq Iranda shuǵyl toqtady

ANKARA. QazAqparat – Flydubai áýe kompanııasynyń ushaǵy ushqyshtyń esinen tanýyna baılanysty Iran áýejaılarynyń birine shuǵyl toqtaýǵa májbúr bolǵan, dep habarlaıdy QazAqparat menshikti tilshisi.

Fars provıntsııasy azamattyq avıatsııa departamentiniń habarlaýynsha, Birikken Arab Ámirlikteri memlekettik áýe kompanııasynyń Boeing 737-800 ushaǵy birinshi ushqyshtyń esinen tanyp qalýyna baılanysty tótenshe jaǵdaı jarııalap, shuǵyl qonýǵa májbúr bolǵan.

Áýe kemesi halyqaralyq marshrýt boıynsha Tashkentten Dýbaıǵa bet alǵan. Shıraz qalasynyń áýejaıyna jergilikti ýaqyt boıynsha saǵat 06:00 shamasynda shuǵyl qonǵan. Ushaq Dýbaıdan áýe akompanııasynyń basqa ushqyshy kelgennen keıin saǵat 16.00-de mejeli jerge ushyp ketti.

Foto: belta.by