Dýbaıdaǵy EKSPO: Qazaqstannyń pavılonyna 9 mlrd teńge bólindi

NUR-SULTAN. QazAqparat – Dýbaıda ótetin EKSPO kórmesine Qazaqstannyń daıyndyǵy týraly Úkimet basshysynyń orynbasary – Qarjy mınıstri Álıhan Smaıylov aıytp berdi, dep habarlaıdy QazAqparat tilshisi.

«Biz tartylatyn ınvestıtsııa kólemin – 10 mlrd dollarǵa jetkizýdi kózdeımiz. Ol úshin Dýbaıdaǵy EKSPO kórmesine qatysý kerek. Kórme 2020 jyldyń 20 qazanynda bastalyp, 2021 jyldyń 10 sáýirine deıin jalǵasady. «Múmkindikter» tehnologııalyq kesheni aıasynda Qazaqstannyń ulttyq pavılony qurylady. Oǵan álemniń ártúrli ınvestorlary keledi», - dedi Álıhan Smaıylov Úkimet otyrysynan keıin tilshilerge.

Qarjy mınıstri osy maqsatta qansha qarajat bólinetinin de aıtyp ótti.

«Ýaqytsha qurylym kóterý úshin 8,8 mlrd teńge (nemese 22 mıllıon dollar) bólindi. Eger Qazaqstannyń pavılonyn kelgen ınvestorlardyń arqasynda elimizge qosymsha ınvestıtsııa tartylsa, bólingen qarajat ózin-ózi aqtap, jańa óndiristerdi iske qosýǵa, jumys oryndaryn ashyp, salyq túsimderin arttyrýǵa jol ashylady. Sol sebepti, atalmysh kórmege qatysýdyń mańyzy zor. Mine, sondyqtan da osyndaı qarajat bólinip otyr», - dedi ol.