Dýbaıda «Astana Opera» spektaklin 12 myń kórermen tamashalady
QR Mádenıet jáne aqparat mınıstrliginiń qoldaýymen ótken bul gastrolder elordalyq teatrdyń bıylǵy sheteldik týrlarynyń qorytyndysy boldy.
Qoıylymnyń horeografııasy bastapqydaı qalýy úshin «Astana Opera» trýppasymen gastrol aldynda ıÝrıı Nıkolaevıch Grıgorovıchtiń assıstentteri Rýslan Pronın men Oksana Tsvetnıtskaıa jumys istedi.
Spektakldi teatrdyń sımfonııalyq orkestri ıtalııalyq maestro Djýzeppe Akýavıvanyń jetekshiligimen súıemeldedi. Aıta ketý kerek, spektakldiń byltyrǵy jetistiginen keıin «Astana Opera» balet trýppasynyń kórkemdik jetekshisi, álemdik balet juldyzy Altynaı Asylmuratova bastaǵan qazaqstandyq trýppany Dýbaı teatry qaıta shaqyrdy.
– «Astana Opera» trýppasynyń «Dýbaı Operada» «Şelkýnchık» baletimen kelip, qaıta óner kórsetip jatqanyna qýanyshtymyz. Byltyr tabysqa toly jyl boldy. Sol kezdegi trýppanyń keremet ónerinen keıin, biz olardy taǵy da shaqyrdyq. Tańǵajaıyp qoıylym, talantty ártisterdiń ónerin tamashalaǵanymyzǵa óte qýanyshtymyz, – dedi «Dýbaı Opera» dırektory Paolo Petrochellı.
– Keremet qoıylym! Spektakldiń kórkemdigine tánti boldym. Mehıkodan Dýbaıǵa arnaıy «Şelkýnchıkti» kórý úshin ushyp keldim. Osynaý keremet opera teatry zalynda barlyq kostıýmdi, dekoratsııalardy jáne jarqyn tústerdi kórý múmkindigine ıe bolǵanyma óte qýanyshtymyn. Bul trýppanyń joǵary deńgeıdegi ónerin tamashalaýǵa keremet múmkindik boldy, – dedi Artýro Peres Rıvera.
Eske sala keteıik, alǵashqy qoıylym 19 jeltoqsanda sátti ótti. Alda áli úsh gastroldik kún bar – 20, 21 jáne 22 jeltoqsan. Bul kúnderi jetekshi solıster kórermendi erteginiń sıqyrly álemine jeteleıdi.
Aıta ketý kerek, trýppa 6 spektakl usynady, olardyń árqaısysy anshlagpen ótedi dep josparlanyp otyr. Qoıylym kúnderi kórermen ǵajaıyp atmosferany sezinýge múmkindik alady.
Horeograf daıyndaǵan jeke nómirler, atap aıtsaq múlgigen qysqy tabıǵattyń tańǵajaıyp beınesin kóz aldyńa ákeletin aq ulpa qar búrshikteriniń bıi eresekterge de, balalarǵa da zor áser qaldyrady. Klassıkalyq horeografııa, sımvolızm, qııal-ǵajaıyp beıneler men Sımon Vırsaladzeniń kórkemdik bezendirýi bul baletti shynymen umytylmastaı etedi.