Dýbaı-Tashkent reısindegi azamattan 120 myń dollarlyq altyn saǵat tabyldy

<p>TAShKENT. KAZINFORM &ndash; &laquo;Dýbaı-Tashkent&raquo; baǵyty boıynsha ushqan Ózbekstan azamaty &laquo;Islam Karımov&raquo; halyqaralyq áýejaıdaǵy shekaralyq-keden beketinde tekserýden ótken.&nbsp;</p>

Nátıjesinde onyń qol sómkesinde aq tastarmen bezendirilgen “Patek Philippe Geneve” jazýy bar qol saǵaty tabyldy. Bul týraly Toshkent-AERO baspasóz qyzmeti habarlady.

Quny 1 mlrd 540 mln 260 myń sým (shamamen 121,5 myń dollar) turatyn altyn saǵat deklaratsııalanbaǵan jáne jeke tulǵalar úshin belgilengen normatıvten asyp ketken.

Qazirgi ýaqytta tergeý amaldary júrgizilýde.

Aıta keteıik, eldegi zań boıynsha jeke tulǵalarǵa salmaǵy 200 gramǵa deıingi kúmisten jasalǵan zergerlik buıymdardy jáne salmaǵy 65 gramǵa deıingi altynnan jáne basqa da baǵaly metaldardan jasalǵan zergerlik buıymdardy jolaýshy kedendik deklaratsııasyn toltyrmaı, al osy mólsherden asatyndardy jolaýshy kedendik deklaratsııasynda belgileı otyryp, Ózbekstannyń aýmaǵynan alyp shyǵýǵa ruqsat beriledi.