Dýbaı EXPO 2020: Qazaqstannyń pavılony qandaı bolady
«Búginde bizdiń pavılon boıynsha eki usynys bar. Biri - ony jyljylmaly etip jasap, keıin elge alyp kelý. Ekinshi joly kórmeden soń pavılondy Dýbaıda qaldyryp, sol jerde Qazaqstanǵa ekonomıka men syrtqy saýda boıynsha ınvestorlardy tartý. Biraq bul usynys áli talqylaný ústinde. Bizdiń pavılondy qurylys áleminde halyqaralyq deńgeıde tanymal shveıtsarııalyq kompanııa salyp jatyr. Nege otandyq kompanııa emes degen suraqqa kelsek, aldymen qurylys alańy sheteldiki, ekinshiden keshendi jınalmaly bolady ıaǵnı ony elge ákelý múmkindigi bar. Qazirgi ýaqytta qurylys-montajdaý jumysy aıaqtaldy. Tamyz-qyrkúıek aılarynda pavılondy testileý synaǵyn ótkizetin bolamyz», - dedi «QazExpoCongress» ulttyq kompanııasy AQ basqarma tóraǵasy Allen Sháıjúnisov BAQ ókilderine arnalǵan baspasóz týrynda.
Onyń aıtýynsha, qazaqstandyq pavılon 4 aımaqtan turady. Ol - kıeli mekender kartasy, mádenı mura, tabıǵı baılyqtar jáne bıosanalýandyq.
«Bizdiń pavılonǵa kelýshilerge aldymen elimizdiń shyǵý túbin baıandaıtyn «Shejire» atty 6 mınýttyq tanymdyq beınejazba kórsetiledi. Sonymen qatar, kórmede elordany arnaıy tanystyratyn bolamyz, sebebi Nur-Sultan qalasy jas bolǵanymen ınvestorlardy tartý jaǵynan álem qalalarynan kem emes. Pavılonnyń jalpy aýmaǵy - 3400 sharshy metr. Aldyn ala boljam boıynsha Qazaqstannyń kórme pavılonyn 1 mln adam kelip kóredi dep josparlanyp otyr», - deıdi ol.
Aıta ketsek, «Dýbaı EXPO-2020» halyqaralyq kórmesi 2021 jyldyń 1 qazanynda bastalyp, 2022 jyldyń 31 naýryzyna deıin jalǵasady.