«Dýbaı emes, Qazaqstan shokolady!» – Jelide jańa trend paıda boldy

<p>ASTANA. KAZINFORM &ndash; Belgili jekpe-jek jattyqtyrýshysy Bekzat Jálel áleýmettik jelide jańa trend bastady.</p>

Beınerolıkte jattyǵý aıaqtalǵan soń, Bekzat yntalandyrý retinde shákirtterine otandyq óndiristiń shokoladyn taratady jáne «Dýbaı emes, ózimizdiń Qazaqstan shokolady» dep aıtady.

Sportshynyń «Dýbaı emes, Qazaqstan shokolady!» trendin basqa da blogerler qoldap áketti.

B.Jálel óz oqýshylarymen jumys isteýdegi erekshe tásilderimen burynnan tanymal. Ol - shákirtterine tek fızıkalyq daǵdylardy emes, patrıotızm men otandy súıýdi úıretetin naǵyz tálimger.

Trenerlik jumysy men vırýsqa aınalǵan beınerolıkter jasaýdan bólek, Bekzat Jáleldiń sport salasynda da mol tájirıbesi bar. Ol kıkboksıngten júldeger, Taekvon-do ITF boıynsha birneshe márte chempıon jáne Djıt Kýn-Do chempıonattaryn úsh ret jeńip alǵan sportshy.

«Dýbaı emes, Qazaqstan shokolady» trendin tanymal telejúrgizýshiler, blogerler, akterler jáne eldiń basqa da azamattary qoldap jatyr. Qazirdiń ózinde #nedýbaıskııA_Kazahstanskıı #RepublicDay🇰🇿 heshtegimen júzdegen beınerolıkter kórýge bolady.