Dýbaı álemdegi eń úlken áýejaı termınalyn salady

<p>ASTANA. KAZINFORM &ndash; Dýbaı ámirligi quny 35 mlrd dollar bolatyn jańa jolaýshylar termınalynyń qurylysyn bastady, ol aıaqtalǵannan keıin álemdegi eń joǵary ótkizý qabileti bar áýe aılaǵyna aınalady, dep habarlaıdy <a href="https://www.wam.ae/en/article/b2vuc3y-maktoum-international-airport-expansion-solidifies" target="_blank" rel="noopener">WAM</a> agenttigi.</p>

Joba Dýbaı halyqaralyq áýejaıynan ońtústikke qaraı 45 km qashyqtyqta ornalasqan Dubai World Central aýdanyndaǵy «Ál-Maktým» halyqaralyq áýejaıyn (Al Maktoum International Airport, DWC) on jyl ishinde keńeıtýdi kózdeıdi. «Ál-Maktým áýejaıy» 2010 jyly ashylǵan jáne ámirliktegi bıleýshi Ál-Maktým otbasynyń atymen atalǵan. 

BAÁ premer-mınıstri jáne vıtse-prezıdenti jáne Dýbaı bıleýshisi sheıh Mohammed ben 

Rashıd ál-Maktým jeksenbide jańa termınal qazirgi Dýbaı halyqaralyq áýejaıynan bes ese úlken ekenin jáne jylyna 260 mln jolaýshyǵa qyzmet kórsete alatynyn málimdedi. 

Quny 128 mlrd dırham ($34,8 mlrd) joba Dýbaı avıatsııa korporatsııasy strategııasynyń bóligi retinde júzege asyrylady. Sheıh Mohammed jeksenbide Dubai Aviation Engineering Projects strategııalyq josparyn qarap shyǵyp, jobalardy maquldady. 

Búginde Dýbaı halyqaralyq áýejaıynyń qala ortalyǵynda ornalasýy odan ári keńeıtýdi qıyndatyp otyr. 

«Ál-Maktým» halyqaralyq áýejaıyna aldaǵy jyldary Dýbaı halyqaralyq áýejaıynyń barlyq jumysy tapsyrylady. 

Áýejaıdyń qonýǵa arnalǵan 400 shyǵaberisi jáne 5 parallel ushý-qoný jolaǵy bolady. Joba avıatsııa salasynda alǵash ret qoldanylatyn jańa avıatsııalyq tehnologııalardy qarastyrady. 

«Biz Dýbaıdyń ońtústigindegi áýejaıdyń aınalasynda tutas bir qala salyp jatqandyqtan, mıllıon adam úshin baspana suranysy artady. Oǵan logıstıka jáne áýe kóligi salasyndaǵy álemniń jetekshi kompanııalary qatysady. Biz bolashaq urpaq úshin jańa jobany quryp jatyrmyz, óz kezeginde balalarymyz ben olardyń balalarynyń úzdiksiz jáne turaqty damýyn qamtamasyz etemiz. Dýbaı álemdik áýejaıǵa, portqa, qalalyq jelige jáne jańa jahandyq ortalyqqa aınalady», – dep málimdedi sheıh Mohammed. 

Qurylys aıaqtalǵannan keıin «Ál-Maktým» halyqaralyq áýejaıy Emirates áýe tasymaldaýshysynyń jańa úıine aınalady.