DSU-ǵa qosylý boıynsha AQSh pen Ózbekstan arasyndaǵy kelissóz aıaqtaldy

<p>TAShKENT. KAZINFORM &ndash; Ózbekstannyń Dúnıejúzilik saýda uıymyna (DSU) qosylýy boıynsha Tashkent pen Vashıngton arasynda júrgizilgen ekijaqty kelissóz aıaqtady. Bul týraly DSU máseleleri jónindegi prezıdenttiń arnaıy ókili Azızbek Ýrýnov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

«14 aıǵa sozylǵan kelissózder nátıjeli aıaqtaldy. Prezıdent Shavkat Mırzıeevtiń, prezıdent ákimshiliginiń jáne vedomstvoaralyq komıssııanyń qoldaýy men saıası erik-jigeriniń arqasynda bul másele ońtaıly sheshimin tapty», - dep atap ótti Azızbek Ýrýnov.

Onyń sózinshe, Ózbekstan Dúnıejúzilik saýda uıymynyń tolyq múshesi atansa, onda bul eldiń ekonomıkalyq ósimin jedeldetpek. 

Foto: Azizbek Urunov/linkedin

«Dúnıejúzilik banktiń baǵalaýyna saı, Ózbekstan DSU-nyń tolyq múshesi bolsa, bul 5-7 jyl ishinde ekonomıkanyń 17%-ǵa ósýine yqpal etpek», - dedi Azızbek Ýrýnov.

Aıta keteıik, buǵan deıin Ózbekstannyń atalǵan uıymǵa qosylýyn 20 el qoldady, tıisinshe ekijaqty hattamalarǵa qol qoıyldy.