DSM: Jańa ýaqyt beldeýi qazaqstandyqtardyń densaýlyǵyna keri áser etip jatqan joq

<p>ASTANA. KAZINFORM &ndash; Densaýlyq saqtaý mınıstri Aqmaral Álnazarova Úkimet úıindegi baspasóz máslıhatynda jańa ýaqyt beldeýi qazaqstandyqtardyń densaýlyǵyna qalaı áser etip jatqanyn aıtty.</p>

«Bıyl aqpanda jańa ýaqyt beldeýi halyqtyń densaýlyǵyna oń áser etetini aıtqan edińiz. Biraq burynǵy ýaqyt beldeýin qaıtarý týraly petıtsııaǵa qol qoıyp jatqan azamattar bar. Mysaly, Shyǵys Qazaqstan oblysyndaǵy turǵyndar jańa ýaqyt beldeýiniń saldarynan psıhologııalyq, fızıkalyq júkteme túskenin aıtyp, shaǵymdanyp jatyr. Qazir petıtsııaǵa qol qoıǵandardyń sany 50 myńnan asty. Qazir qandaı pikirdesiz? Burynǵy ýaqyt beldeýin qaıtarý kerek dep oılamaısyz ba?», - dep surady BAQ ókili.

Mınıstr jelide shaǵym kóp bolǵanymen, ýaqyt beldeýine baılanysty densaýlyǵy nasharlar medıtsınalyq kómekke júgingenderdiń sany artpaǵanyn aıtady.

«Negizi saǵat beldeýi máselesi birneshe jyldan beri talqylandy. Bul jumysqa elimizdegi ǵylymı ortalyqtar tartyldy. Sondyqtan bul sheshim ǵylymı derekterge súıene otyryp qabyldandy. Ekinshiden, saǵat beldeýi ózgergennen keıin emhanalar men aýrýhanalarǵa naýqastardyń aıtarlyqtaı túsip jatqanyn baıqap otyrǵan joqpyz. Búginde densaýlyqqa keri áserin tıgizgen joq dep aıtýǵa negiz bar», - dedi Aqmaral Álnazarova.