DSM kosmetıkalyq klınıkalarǵa ota jasatýdy josparlaǵan qazaqstandyqtarǵa qandaı keńes beredi

<p>ASTANA. KAZINFORM &ndash; Densaýlyq saqtaý mınıstrligi Kazinform saýalyna joldaǵan jaýapta jeke menshik kosmetıkalyq klınıkalarǵa ota jasatýdy oılastyryp júrgen qazaqstandyqtarǵa keńes berdi.</p>

«Eń aldymen, ruqsattarǵa, dárigerlik qyzmetpen aınalysýǵa lıtsenzııaǵa jáne klınıkalyq tájirıbege jiberý úshin maman sertıfıkatyna nazar aýdarý kerek», - dep jazylǵan jaýapta.

Sondaı-aq, vedomstvo málimetinde plastıkalyq ota sapasyna kóńili tolmaǵandar qaıda júginetini aıtylǵan.

«Eger qandaı da bir uıymdaǵy tutynýshy sapasyz medıtsınalyq qyzmet alǵan bolsa, ol osy uıymnyń ornalasqan jeri boıynsha Medıtsınalyq jáne farmatsevtıkalyq baqylaý komıtetiniń aýmaqtyq departamentine dáleldi sebepteri men aıǵaqtary bar jazbasha ótinishpen júgine alady. Uıym men tutynýshy arasynda jasalǵan aqyly qyzmet kórsetýge úlgi shart, medıtsınalyq qujattama (ambýlatorııalyq nemese statsıonarlyq karta, adam ómiri men densaýlyǵyna zııan keltirýdiń naqty faktileri bar úzindi kóshirme), túbirtek jáne basqa da qujattar dálel bola alady. Qazaqstan Respýblıkasynyń Kásipkerlik kodeksine sáıkes, dáleldemelerdi bulaı óńdeý jospardan tys tekserýge negiz bolady», - dep jazady mınıstrlik mamandary.

Vedomstvonyń málimeti boıynsha, keıingi bes jylda plastıkalyq ota jasaýshylardyń ústinen 39 shaǵym túsken.