DSM qyzylshaǵa qarsy ekpe almaǵan oqýshylardyń bir bóligin onlaın oqytýdy usynyp otyr

<p>Densaýlyq saqtaý mınıstrligi qyzylsha juqtyrǵan naýqastarmen baılanysta bolǵan ári qyzylshaǵa qarsy ekpe almaǵan oqýshylardy qashyqtan oqýǵa jiberýdi usynyp otyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

«Búgingi tańda bilim mekemelerine baryp júrgen balalar arasynda qyzylsha juqtyrý faktileri tirkelgen. Qazirgi ahýal boıynsha, respýblıkada karantınge jabylǵan mektep joq. Bilim ujymdarynda aýrýdyń taralýyn boldyrmaý úshin qyzylsha juqtyrǵany dáleldengen naýqastarmen baılanysta bolǵan, qyzylshaǵa qarsy ekpe almaǵan oqýshylardy onlaın oqýǵa jiberý usynylady», - delingen mınıstrliktiń redaktsııa saýalyna joldaǵan jaýabynda.

Vedomstvo málimetinshe, Almaty qalasyndaǵy mektep basshylyǵy qyzylshanyń kóp tirkelýine baılanysty ekpe almaǵan balalardy onlaın oqýǵa jiberý jóninde sheshim qabyldaǵan.

«Qyzylshamen aýyrǵandardyń 60% - ekpeden bas tartqandar. Osyǵan baılanysty balasyna ekpe saldyrýdan bas tartqan ata-analarmen túsindirý jumysy kúsheıtildi. Búgingi tańda 9 myńdaı bala josparly aldyn alý ekpesin almaǵan. Qazir olarmen vaktsınanyń mańyzy týraly túsindirý jumysy júrgizilip jatyr. Osy jumystyń arqasynda bıyl 3 myńnan astam bala ekpe aldy», - dep jazylǵan jaýapta.