«Droptar» arqyly jasalatyn alaıaqtyq: ІІM azamattardy saq bolýǵa shaqyrady

<p>ASTANA. KAZINFORM - ІІM kıberqylmysqa qarsy is-qımyl departamenti alaıaqtyq shemalarǵa qatysý áreketteri úshin jaýapkershilik baryn eskertedi, dep habarlaıdy Polisia.kz.</p>

– Jeńil ári jyldam aqsha tabýǵa úmittenip, keıbir azamattar qylmystyq jáne azamattyq jaýapkershiliktiń baryn bilmestikten, alaıaqtarǵa kómektesip, «dropperlerge» aınalyp jatady.

2024 jyly 1200-den astam «dropperge» qatysty sot úkimi shyqty. Olardyń bank kartalary arqyly alaıaqtardyń shottaryna aýdarylǵan 1,3 mlrd teńge óndirildi, – dedi ІІM kıberqylmysqa qarsy is-qımyl departamentiniń bastyǵy Jandos Súıinbaı.

Budan basqa, qylmystyq shemalarǵa qatysqan 56 adam ınternet-alaıaqtyq jasaýǵa kómekteskeni úshin qylmystyq jaýapkershilikke tartyldy.

Іshki ister mınıstrligi azamattardy saq bolýǵa, ońaı aqsha tabý týraly usynystarǵa senbeýge, kúdikti áreketter týraly dereý polıtsııaǵa habarlaýǵa shaqyrady.

Aıta keteıik, keıingi eki jylda uıymdasqan qylmystyq toptardyń 27 múshesi ustalǵan.