Dostyq úıinde medıatsııa boıynsha oqý ortalyqtaryn ashý týraly memorandýmǵa qol qoıyldy - ShQO

ASTANA. QazAqparat - Shyǵys Qazaqstan oblysynda oblystyq sot pen oblys ákimdiginiń bastamasymen Dostyq úıinde Sýdıalar odaǵynyń ShQO fılıaly, Qazaqstan Halqy Assambleıasynyń hatshylyǵy, quqyq qorǵaý jáne ádilet organdary, bilim jáne densaýlyq saqtaý basqarmalary, «Shańyraq» medıatsııa ortalyǵynyń arasynda tatýlastyrý sharalary boıynsha ózara yntymaqtastyq týraly memorandýmǵa qol qoıyldy.

Memorandýmda taraptar medıatsııa ınstıtýtyn odan ári damytý jóninde eleýli sharalar qabyldaý qajettigigin atap kórsetken.

Memorandýmdy oryndaý maqsatynda oblystyq Dostyq úıinde «Medıatsııa boıynsha oqý ortalyǵy» jáne «Medıatsııa kabıneti» ashyldy.

«Medıatsııa kezinde sheshimdi medıator emes, taraptardyń ózderi qabyldaıdy. Medıator taraptarmen qalaı sóılesý kerektigin jáne olardy tatýlasýǵa shaqyrýdyń tásilderin biledi. Sondyqtan da medıator - bir jaǵynan psıholog, ekinshi jaǵynan zańger bolýy kerek», - dedi Sýdıalar odaǵynyń oblystyq fılıalynyń tóraǵasy Eldos Jumaqsanov.

Óz sózinde ShQO-daǵy Qazaqstan halqy assambleıasy hatshylyǵynyń basshysy A.Nurǵazıev óz sózinde Assambleıasy ınstıtýty Qazaqstandaǵy qoǵamdyq jáne etnosaralyq qatynas salasyndaǵy basty moderator, negizgi tatýlastyrý fýnktsııalaryn oryndaıtyn organ retinde jasalǵan Memorandým negizinde aǵymdaǵy jyly sáýir aıynyń sońyna deıin oblystaǵy 14 Dostyq úıinde osyndaı ortalyqtar ashylatynyn aıtty.