«Dostyq» stantsııasynan Qytaıǵa júk eksporttaýǵa tyıym alynyp tastaldy

NUR-SULTAN. QazAqparat - Bıylǵy 15 naýryzdan bastap «Dostyq» stantsııasy baǵytynda jáne odan ári Qytaı aýmaǵyna júkterdi eksporttaýǵa tyıym salý merzimi aıaqtalady. Bul týraly «Qazaqstan temir joly – Júk tasymaly» JShS-nyń baspasóz qyzmetinen málim etti, dep habarlaıdy QazAqparat.

Málim etilgendeı, QHR-men aldyn ala kelisilgen Tasymaldaý jospary bar júk jóneltýshiler eksport maqsatyndaǵy júkterdi tıeýdi bastaı alady.

Degenmen, «Dostyq» stantsııasy baǵytynda kelesi tasymaldarǵa tyıym áli de saqtalyp otyr: 30 naýryzǵa deıin – tranzıtti júkterge, 20 naýryzǵa deıin - jabyq vagondarda jáne astyq tasymaldaý transportynda barlyq astyq júkterin ótkizýge.

«Esterińizge sala keteıik, ýaqytsha shekteýler salalyq qaýymdastyqtar men júk jóneltýshilerdiń ótinishi boıynsha engizilgen.

Bul másele «Atameken« QR UKP, Qazaqstan Respýblıkasy Indýstrııa jáne ınfraqurylymdyq damý mınıstrliginiń alańdarynda júk jóneltýshilermen, eksporttaýshylarmen talqylandy.

Júk jóneltýshiler engizilgen shekteýlerge túsinistikpen qarady. Jóneltýshiler tarapynan eshqandaı shaǵymdar bolǵan joq. Kerisinshe, jaǵdaıǵa túsinistik tańytyp, júkti jetkizý jolyn ózgertti», - dedi kompanııanyń baspasóz qyzmetinen.