Dostyq-Alashankoý temir jol aralyǵynda júk poıyzdary soqtyǵysyp, órtendi (FOTO, VIDEO)

ASTANA. QazAqparat - 19 mamyr kúni saǵat 05:05-te Almaty oblysyndaǵy «Dostyq-Alashankoý» temirjolynyń bir ýchaskesinde júk poıyzdary soqtyǵysty.

«Saǵat 3-te Dostyq stansasynan CKD-9 teplovoz júk poıyzy (quramynda júk tıelgen 54 vagon boldy) shyqty, sondaı-aq saǵat 04:45-te QHR-dyń Alashankoý stansasynan CKD-9 teplovoz júk poıyzy (quramynda 47 bos vagon boldy) shyqty, aqyry olar keń tabandy jolda soqtyǵysyp, órtendi», - delingen habarlamada.

Aldyn ala málimetter boıynsha, poıyzdardyń soqtyǵysýy teplovozdyń tejegish júıesiniń aqaýy saldarynan oryn alǵan. Qaza tapqandar men zardap shekkender joq, órt sóndirildi.

Sonymen birge, 24 vagonnyń relsten shyǵyp ketkeni habarlanyp otyr.