Dostyq stansasynda júk tıeý termınaldary salynady

<p>Jetisý oblysynyń kólik-logıstıka salasyna iri ınvestorlar tartylyp jatyr. Bul óńirdiń tranzıttik áleýetin damytýǵa zor serpin beredi. Búgin QR Prezıdenti janyndaǵy Ortalyq kommýnıkatsııalar qyzmeti alańynda jýrnalıster úshin brıfıng ótkizgen Jetisý oblysynyń ákimi Beıbit Isabaev osylaı dedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;&nbsp;</a></p>

Oblys ákiminiń aıtýynsha, Dostyq stansasynda quny 12 mlrd teńge, qýaty 150 myń konteınerlik «ETT Dostyk» JShS-nyń mýltımodaldy kólik-logıstıkalyq ortalyǵy salyndy.

«Taǵy eki – «Dostyk TransTerminal» jáne «DAR RAIL Infrastructure» kóp fýnktsıonaldy júk tıeý termınaly perspektıvaly jobalaryn júzege asyrý josparlanyp otyr», - dedi B.Isabaev.

Sondaı-aq ol «Dostyq-Moıynty» temir jolynyń ekinshi jelisi salynyp jatqanyn aıtty. Spıkerdiń sózine súıensek, osy temir jol tarmaǵynyń 451 shaqyrymy Jetisý oblysynyń aýmaǵynan ótedi.

Osy joba negizinde óńir ekonomıkasyna qosymsha 293 mlrd teńge ınvestıtsııa tartylady. 2 myń jańa jumys orny ashylyp, onda jergilikti turǵyndarǵa basymdyq beriledi. Bul rette negizinen óńir kásiporyndarynyń ónimderi paıdalanylatyn bolady.