«Dossor-Qulsary» jolynyń tasqyn sý shaıǵan bóligi ýaqytsha ashyldy
«Qazavtojol» ulttyq kompanııasy Atyraý oblystyq fılıalynyń dırektory Murat Myqtybaevtyń málimetinshe, 4 sáýirde Jem ózeniniń tasyp, «Dossor-Qulsary» tasjolynyń 101-shaqyrymyn sý shaıǵan.
«Keshe «Qazavtojol» kompanııasy trassanyń osy bóligin qalpyna keltirýge kiristi. Qazir jol ýchaskesinde 45 adam, 28 tehnıka jumyldyryldy. Jol bóligine sý ótkizýge arnalǵan 12 qubyr salyndy. Onyń ústine ınertti materıaldar tóseldi», - deıdi Murat Myqtybaev.
Oblystyq polıtsııa departamenti patrýldik polıtsııa rotasynyń komandıri Ádilbek Shahmetovtiń aıtýynsha, joldyń jóndelgen bóligin úzdiksiz baqylaýǵa alynady.
«Joldyń bul bóliginde kólikter bir baǵytpen qozǵalady. Sol sebepten, polıtsııa qyzmetkerleri kólikterdiń kezekpen júrýin retteıdi», - dedi Ádilbek Shahmetov.
Eske sala ketelik, budan buryn Qulsary qalasynyń kóshelerinen 250 myń tekshe metr sý sorylǵanyn jazǵan edik.
Sondaı-aq 500 úıge elektr jaryǵy berildi.
Al, búgin Qulsary qalasynda saýda oryndary ashylyp, avtobýs júre bastady.