«Dossor-Aqtaý porty» jolynyń 50 shaqyrymy jańa tehnologııa boıynsha jóndeldi

ATYRAÝ. QazAqparat - «Dossor-Aqtaý porty» jolynyń 50 shaqyrym ýchaskesindegi jóndeý jumystary merziminen buryn aıaqtaldy, dep habarlaıdy QazAqparat «QazAvtoJol» kompanııasyna silteme jasap.

«Jolshylar Atyraý oblysyndaǵy A-33 «Dossor-Qulsary-Beıneý-Saı-Ótes-Shetpe-Jetibaı-Aqtaý qalasy porty» avtojolynyń 50 shaqyrym ýchaskesinde ortasha jóndeý jumystaryn merziminen buryn aıaqtady. 69-119 shaqyrym aralyǵyndaǵy ýchaskede jumystar 2020 jyly aıaqtalady dep josparlanǵan bolatyn», delingen habarlamada.

Atalmysh ýchaskedegi ortasha jóndeý jumystary «ChıpSıl» tehnologııasynyń kómegimen júzege asty. Bul qarapaıym tehnologııa. Tutqyr qospa men ınertti materıaldy ornatyp, nyǵyzdaý jumystaryn júrgizgennen keıin jol jabynynda erekshe tózimdi qabat paıda bolady. Onyń antıblıkti jáne jabysý qasıetteri de joǵary.

«ChıpSıl» kishigirim jaryqtardy jamap, asfaltbetonnyń joǵarǵy qabatyn sýdyń áserinen qorǵaıdy. Zamanaýı tehnologııalar arqyly jasalǵan joldarǵa ketetin shyǵyn 50% tómendep, joldyń qabaty tózimdi, qaýipsiz jáne uzaq merzim paıdalanýǵa jaramdy bolady», delingen habarlamada.