Dosmuhambetov Atyraý oblysynda azyq-túlik baǵasyn turaqtandyrýǵa ýáde berdi

NUR-SULTAN. QazAqparat – Aldaǵy ýaqytta Atyraý oblysynda azyq-túlik baǵasy turaqtanady. Bul týraly Ortalyq kommýnıkatsııalar qyzmetindegi brıfıng barysynda Atyraý oblysynyń ákimi Mahambet Dosmuhambetov aıtty, dep habarlaıdy QazAqparat tilshisi.

«Baǵana retteý máselesin jiti qadaǵalap otyrmyz. Oǵan 1 mlrd teńgeden astam qarjy jumsaldy. Saýda jelilerimen 500 mln teńgege kelisimshart jasaldy. ıAǵnı, olar naryqtan 10-15 paıyz arzan satady. 36 saýda núktesinde sút, nan ónimderi, et, nan, kúnbaǵys maıy arzan baǵamen saýdalanýda. Al kókóniske kere bolsaq, kúzde turaqtadyrý qorynqurǵan edi. Aıtalyq, onda 260 tonna kartop boldy. Sáýirge deıin turaqtandyrý qory arqyly baǵany retteýge yqpal ettik», - dedi Mahambet Dosmuhambetov.

Onyń atap ótýinshe, qazir maýsymaralyq kezeń bolǵandyqtan sábiz ben kartop baǵasy kóterilip otyr.

«Búginde ońtústik óńirden jáne Reseıdiń kórshiles oblystarynan kartop jetkizý is-sharalary qabyldandy jáne baǵa tómendedi. Eger bir apta buryn kartop baǵasy 400 teńge bolsa, qazir ol 310teńgeden saýdalanýda. Sábiz baǵasy da tómendeıdi dep kútip otyrmyz. Óıtkeni, jańa shyqqan ónim jetkiziledi», - dedi ol.

Sonymen qatar oblys basshysy taıaý ýaqytta azyq-túlik baǵasyn turaqtandyrýǵa ýáde berdi.

«Munan ári ár apta saıyn baǵanyń tómendeıtindigin kútemiz. Sebebi ózge óńirlerden jáne Reseıdiń kórshiles oblstarynan kartop jetkiziledi jáne ózimizdiń de ónim shyǵady», - dedi oblys ákimi.