Dosmuhambetov: Alǵys aıtý kúni – elimizdegi tynyshtyq pen úndestiktiń jarqyn kórinisi
Qurmanǵazy atyndaǵy mádenıet saraıynda saltanatty sharaǵa jurtshylyq kóp jınaldy. Mahambet atyndaǵy akademııalyq qazaq drama teatrynyń ártisteri «Bári rııasyz mahabbattan bastalady...» atty prologty «Bastysy – alǵys aıta bilý...» degen ádebı kompozıtsııaǵa ulastyrdy. Al, etnomádenı birlestikter ókilderi «Jaınaı bersin, myń alǵyspen jaryq kún!» dep atalǵan kóriniste qazaq halqyna alǵysyn bildirdi. «Vaınah» etnomádenı birlestiginiń ánshileri «Qazaq jeri osyndaı» ánin oryndady.
«Alǵys aıtý kúni – elimizdegi tynyshtyq pen úndestiktiń jarqyn kórinisi. Birlik pen dostyqtyń jáne ózara senimniń erekshe úlgisi. Bul – taǵdyr toǵystyrǵan Qazaqstan halqynyń taǵylymdy tarıhyna taǵzym etetin kún. Bıyl elimizdegi barlyq ult pen ulysty bir shańyraq astyna toptastyratyn Qazaqstan halqy Assambleıasynyń qurylǵanyna 25 jyl tolǵanyn aıryqsha atap ótý kerek. Sebebi, Assambleıa eldegi tutastyqty arttyrýda erekshe mańyzǵa ıe. «Bir adam jaqqan otqa myń adam jylynady» demekshi, Qazaq halqy taǵdyr taýqymetimen Otanymyzǵa kelgen ózge etnostyń ókilderin baýyryna basa bildi. Bir úzim nandy bólip jedi. Mundaı baýyrmaldyq elimizdiń túrli ult ókilderiniń arasynda adamgershilik qarym-qatynastyń ónegeli ólshemine aınaldy» - dedi saltanatty sharada Atyraý oblysynyń ákimi Mahambet Dosmuhambetov.
Aıta ketken jón,Atyraýda Qazaqstan halqy Assambleıasynyń qurylǵanyna 25 jyl tolýyna oraı arnaıy is-sharalar kesheni uıymdastyrylady. Bul shara jaqynda Jylyoı aýdanynan bastalǵaly otyr.