«Dos-Muqasan» ansamblin qurýshylardyń biri Aleksandr Lıtvınov ómirden ótti
«Búgin túnde 75 jasynda Lıtvınov Aleksandr Mıhaılovıch ómirden ótti. Ol bizdiń ansambldiń qurýshylardyń biri, barabanshy boldy. «Dos-Muqasan» ansambli marqumnyń týystary men jaqyndaryna, balalaryna qaıǵyra otyryp, kóńil aıtady. Ol bizdiń júregimizde eń shynaıy, meıirimdi, adal, jaýapty jáne jarqyn adam retinde qalady. Topyraǵy torqa bolsyn», - delinedi ansambldiń Instagram-daǵy resmı paraqshasynda.
Aıta keteıik, «Dos-Muqasan» — estradalyq vokaldi aspaptar ansambli. 1967 jyly Qazaq polıtehnologııalyq ınıstıtýtynyń (qazirgi Qazaq ulttyq tehnıkalyq zertteý ýnıversıteti) janynan quryldy. Ansambldiń ataýy ony uıymdastyrýshylar (Dosym Súleev, Murat Qusaıynov, Qamıt Sanbaev, Aleksandr Lıtvınov) esimderiniń (Dosym, Murat, Qamıt, Sanıa) alǵashqy býyndarynan quralǵan. Ansambldiń kórkemdik jetekshisi — 1972 jyldan beri kompozıtor Murat Qusaıynov.
Eske salsaq, ótken jyly Astanada «Dos Muqasan» fılminiń jabyq premerasy ótti. Fılmdi Efrat Sháripovtiń stsenarııi boıynsha «Aray Media Group» stýdııasy túsirgen.