Dordoı bazarynda jemqorlyq shemasyn jasap alǵan 5 salyq qyzmetkeri ustaldy

<p>&laquo;Dordoı&raquo; saýda-bazar kesheninde salyq jınaýǵa jaýapty memlekettik salyq qyzmetiniń 5 qyzmetkeri ustalyp, ýaqytsha ızolıatorǵa qamaldy. <a href="https://kaz.inform.kz/" target="_blank" rel="noopener">Kazinform</a> bul týraly Qyrǵyz Respýblıkasy ulttyq qaýipsizdik memlekettik komıtetiniń baspasóz ortalyǵyna silteme jasap habarlaıdy.</p>

Vedomstvonyń málimetinshe, salyq qyzmetkerleri baıý maqsatynda «Dordoı» saýda oıyn-saýyq kesheni kásipkerleriniń salyq tóleýden jaltarý boıynsha sybaılas jemqorlyq shemasyn uıymdastyryp, keıinnen bul salyq reformasyn júzege asyrýǵa keri áserin tıgizgen. 

Olar sybaılas jemqorlyq shemasymen 5-6 jyl boıy jumys istep, memlekettik salyq qyzmetiniń laýazymdy tulǵalary kórsetken qyzmeti úshin jaltarýdyń ár  faktisine aqshalaı syıaqy alyp otyrǵan. 

«Dordoı» saýda oıyn-saýyq kesheniniń bir bazarynyń aýmaǵynda 600-den astam saýda orny bolsa, sonyń ishinde tek 400 kásipkerden salyq túsken.

Qazirgi ýaqytta atalǵan iske qatysy bar basqa laýazymdy tulǵalardy anyqtaý, sondaı-aq memleketke kelgen shyǵyn kólemin anyqtaý boıynsha tıisti tergeý júrip jatyr.

Buǵan deıin Qyrǵyzstanda Qamshy Kólbaevpen jáne Raıymbek Matraımovtyń mafııasymen jasyryn baılanysta bolǵan túrli dárejedegi 226-dan astam memlekettik qyzmetker áshkerelenip, onyń 180-nen astamy qyzmetinen shettetilgen edi.