Dopty hokkeıden fınal: «Aqjaıyq» ekinshi kezdesýinde jeńilip qaldy

ORAL. QazAqparat – Krasnoıarsk qalasynda Oraldyń «Aqjaıyǵy» dopty hokkeıden joǵary lıga komandalary arasynda búkilreseılik jarystyń fınaldyq týrnırinde ekinshi kezdesýin ótkizdi, dep habarlaıdy QazAqparat tilshisi.

Batysqazaqstandyqtar bul joly «Enıseı-2» komandasymen aıdynǵa shyqty.

Birinshi taımda qarsylastar teń tústi – 2:2. Alaıda ekinshi taımda aıdyn ıeleri aıqyn basymdylyq kórsetti. Sóıtip 12:5 esebimen jeńiske jetti.

«Aqjaıyq» sapynda reseılik legıoner Sergeı Bashaev het-trıktiń avtory atansa, komanda surmergeni Maksım Pahomov eki gol soqty.

9 naýryz kúni oraldyqtar «Kırovets» (Ýfa) komandasymen sheberlik baıqasady. «Aqjaıyq» úshinshi topta bul klýbpen birge oınaǵan bolatyn. Endi fınaldyq kezeńde taǵy da kezdespekshi.

Eske sala keteıik, budan buryn «Aqjaıyqtyń» Krasnoıarskide fınaldyq týrnırdi jeńispen bastaǵanyn jazǵan bolatynbyz.