IRKÝTSK. KAZINFORM — Irkýtsk qalasynda dopty hokkeıden joǵary lıga komandalary arasynda búkilreseılik jarystyń fınaldyq básekesin Oraldyń «Aqjaıyǵy» jeńispen bastady.
B tobynda Nıkolaı Shavaldınniń shákirtteri birinshi kezdesýin «SKA-Ýralskıı trýbnık-2» (Ekaterınbýrg) komandasymen ótkizdi.
Tartysty oıynda oraldyqtar 5:4 esebimen jeńiske jetti.
«Aqjaıyqtan» Artem Lapshın, komanda kapıtany Maksım Ótebalıev, Dáýren Oralov, Qýanysh Temirálın jáne Maksım Pahomov bir-bir doptan soqty.
«SKA-Ýralskıı trýbnık-2» komandasynan Alekseı Snegırev qos goldyń avtory atansa, Alekseı Borısov pen Dmıtrıı Chernov ta qur ketpedi.
«Aqjaıyq» kelesi matchyn 8 naýryz kúni «Enıseı-2» (Krasnoıarsk) komandasymen ótkizedi.
Eske sala keteıik, budan buryn «Aqjaıyqtyń» fınaldyq saıysta qaı komandalarmen kezdesetinin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).