ORAL. KAZINFORM — Dopty hokkeıden joǵary lıga komandalary arasynda búkilreseılik jarysta ekinshi topta óner kórsetetin Oraldyń «Aqjaıyǵy» jańa maýsymdaǵy alǵashqy oıynyn Votkınskide jergilikti «Znamıa-Ýdmýrtııamen» ótkizdi.
Batysqazaqstandyqtar match barysynda oıyn tizginin qolyna ala bildi.
Birinshi taımda komandaǵa bıyl oralǵan Oral dopty hokkeıiniń túlegi Raýan Isalıevtiń pasynan keıin reseılik Maksım Pahomov esep ashty.
Ekinshi kezeńde komanda kapıtany Maksım Ótebalıevtiń pasyn R.Isalıev múltiksiz paıdalandy.
Sodan keıin M.Pahomov eki ret mergendik tanytyp, esepti 4:0-ge jetkizdi.
Osyǵan deıin Nıkolaı Shavaldınniń shákirtteri Votkınskide jeńiske jete almaı júrgen edi. Bul joly sol olqylyqtyń ornyn toltyrdy.
Juma kúni qos komanda ekinshi kezdesýin ótkizedi.
Eske sala keteıik, budan buryn dopty hokkeıden «Aqjaıyqtyń» alǵashqy kezdesýlerin syrt aıdynda ótkizetinin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).